សន្លឹកឆ្នោតមិនបានការជាងកន្លះលានសន្លឹកក្នុងការបោះឆ្នោតសភាកាលពីថ្ងៃអាទិត្យតំណាងឱ្យការតវ៉ាប្រឆាំងនឹងការបោះឆ្នោត ដែលអ្នករិះគន់បានហៅថា ជាការបោះឆ្នោតមិនប្រជាធិបតេយ្យ។ នេះបើតាមពលរដ្ឋ និងក្រុមអ្នកវិភាគដែលបាននិយាយកាលពីថ្ងៃចន្ទ។
តួលេខពីគណៈកម្មាធិការជារៀបចំការបោះឆ្នោតបានបង្ហាញថា សន្លឹកឆ្នោតមិនបានការសរុបមានចំនួន៥៩៤.៨៤៣ ឬស្មើនឹង៨,៤%នៃសន្លឹកឆ្នោតទាំងអស់ចំនួនជាង៧.៦៤០.០០០សន្លឹក។
លោក ឡៅ ម៉ុងហៃ អ្នកវិភាគនយោយបានប្រាប់ទីភ្នាក់ងារព័ត៌មាន Reurers ថាវាជាសំឡេងដ៏សំខាន់មួយដែលបង្ហាញការមិនពេញចិត្តនឹងការបោះឆ្នោតនេះហើយជាទង្វើមួយប្រឆាំងការបង្ខិតបង្ខំឲ្យពលរដ្ឋទៅបោះតខុសពីឆន្ទៈរបស់ពួកគេ។
លោកផៃ ស៊ីផាន អ្នកនាំពាក្យរដ្ឋាភិបាលបានទទួលស្គាល់ថា សន្លឹកឆ្នោតខ្លះបង្ហាញនិន្នាការប្រឆាំងនឹងការបោះឆ្នោត។ ប៉ុន្តែលោកថា មិនអាចប្រៀបធៀបនឹងសន្លឹកឆ្នោតគាំទ្រការបោះឆ្នោតនោះទេ។
អ្នកសង្កេតការណ៍មួយចំនួនអះអាងថា នៅមណ្ឌលដែលលោកសង្កេតល សន្លឹកឆ្នោតមិនបានការមានភាគរយច្រើនជាងសំឡេងរបស់គណបក្ស១៩ផ្សេងទៀត៕
