ភ្នំពេញ៖ 7 Eleven គឺប្រេនម៉ាកយីហោហ្វ្រេនឆាយម៉ាតធំបំផុតមួយរបស់ពិភពលោក 7 Eleven ត្រឹមឆ្នាំ២០១៩ ប្រេនមួយនេះមានចំនួនហាង របស់ខ្លួន រហូតដល់ជិត៧ម៉ឺនកន្លែង ទូទាំងពិភពលោក ជាយីហោហ្រ្វេនឆាយ ដែលមានចំនួនសាខាច្រើនជាងគេបំផុត។
បើយោងតាមសារព័ត៌មានរបស់ថៃ Business Today បានចុះផ្សាយថា 7 Eleven ក៏ធ្លាប់បានប្រកាសថាក្នុងឆ្នាំ ២០២០ នេះ ម៉ាកយីហោនេះនឹងពង្រីកសាខាថ្មីរបស់ខ្លួននៅក្នុងប្រទេសកម្ពុជា និងឡាវ ដោយប្រទេសកម្ពុជាយើងអាចនឹងបើកហាងដំបូងជាផ្លូវការដើមឆ្នាំ ២០២០ នេះ។
ប្រភពដដែលបានឲ្យដឹងទៀតថា ម៉ាកយីហោល្បី 7 Eleven បានចុះកុងត្រាជាមួយក្រុមហ៊ុន Cp all (Cambodia) Co., LTD ដែលជាភាគីខាងប្រទេសកម្ពុជាជាផ្លូវការហើយនៅថ្ងៃទី ០៥ ខែឧសភា ឆ្នាំ ២០២០ នេះដោយជាកុងត្រាមានរយៈពេលដល់ទោ ៣០ឆ្នាំ ហើយគម្រោងអាចនឹងធ្វើកុងត្រាជាបន្តបន្ទាប់ទៀត។
គួរជំរាប់ថា 7 Eleven គឺជាយីហោដែលមានសាខាច្រើនបំផុតនៅលើពិភពលោកដែលនៅក្នុងនោះមាន ប្រទេស ៣ ដែលបានបើកសាខា 7 elevenច្រើនបំផុតនោះ គឺប្រទេសជប៉ុន មានចំនួន ២០,០៩៤ ហាងហើយប្រទេសថៃ ចំនួន ១១,២៩៩ហាង និង កូរ៉េខាងត្បូង មានចំនួន ៩,៤៨៤ ហាង៕