មហាសេដ្ឋីមានបំផុតមួយរូបគឺលោកស្រី Zhang Xin បានថ្លែងថាសព្វថ្ងៃនៅប្រទេសចិនមានការវិនិយោគលើអចលនទ្រព្យច្រើនបំផុតមិនធ្លាប់មានទេក្នុងប្រវត្តិសាស្រ្ត។ តែយ៉ាងណាសម្រាប់លោកស្រីមានអចលនទ្រព្យតែមួយប្រភេទគត់ដែលល្អបំផុតសម្រាប់ការវិនិយោគ។
អចលនទ្រព្យមួយប្រភេទនោះអគារការិយាល័យខ្ពស់ៗ។ លោកស្រី Zhang បានពន្យល់ថាសព្វថ្ងៃគេនាំគ្នាសង់ផ្ទះច្រើនណាស់ហើយទីផ្សារមួយនេះងាយឈានជើងចូលណាស់។ ដោយហេតុនេះហើយអ្នកដែលមានដីមានលុយគេអាចសង់ផ្ទះលក់បានហើយដែលជាលទ្ធផលសព្វថ្ងៃនៅចិនគឺការផ្គត់ផ្គង់គឺតែងច្រើនជាងតម្រូវការលំនៅដ្ឋាន។
ទោះផ្ទះបែបបុរីក្តីបែបខន់ដូរក្តីការសាងសង់គឺមានភាពងាយស្រួលជាងការសង់អគារខ្ពស់ៗដោយមិនចាំបាច់គិតស្ថាបយ្យកម្មខ្លាំងដូចការសង់អគារការិយាល័យខ្ពស់ៗទ្បើយ។នៅឆ្នាំ២០១៤លោកស្រីបានបញ្ចប់ការសាងសង់អគារការិយាល័យមួយនៅទីក្រុងសាងហៃឈ្មោះហៅថា។ គម្រោងនេះមាន១២អគារឈរភ្ជាប់គ្នាដោយស្ពានអាកាស១៦ស្ពានហើយត្រូវបានលោកស្រីលក់ភ្លាមៗនៅក្នុងឆ្នាំនោះអស់ពាក់កណ្តាលក្នុ ងតម្លៃ៤៨៨លានដុល្លារ។
នៅសល់ពាក់កណ្តាលទៀតគាត់បានទុករហូតដល់ខែ៤ឆ្នាំ២០១៨ដោយលោកស្រីបានលក់ចេញក្នុងតម្លៃរហូតដល់៧៩៨លានដុល្លារឯង។ Business Cambodia រកមិនឃើញថាតើគាត់ចំណាយអស់ប៉ុន្មានលើគម្រោងមួយនេះទេតែបើគាត់លក់លើកទី១ចំនេញនោះបើសរុបគម្រោងនេះទាំងមូលនៅឆ្នាំ២០១៤គាត់ប្រហែលចំណាយក្រោម៣០០លានដុល្លារប៉ុណ្ណោះ៕
